Kafshimi i  thonjve është një zakon shumë i përhapur dhe prek çdo grupmoshë. Shpeshherë nis në fëmijëri dhe vazhdon deri në moshë të rritur, sepse është kthyer në forcë zakoni.

Stresi dhe mërzia janë arsyet kryesore pse njerëzit hanë thonjtë e tyre. Frustrimi dhe vetmia janë gjithashtu shkaktarët emocionalë për kafshimin e thonjve. Ky zakon mund të jetë dhe simptomë e  një gjendjeje psikologjike, siç është çrregullimi obsesiv-kompulsiv (OCD).

Shumë prej fëmijëve të cilët kafshojnë thonjtë kanë  çrregullime të tjera, siç janë ‘Mungesa e Përqendrimit dhe Hiperaktiviteti’ (ADHD), çrregullimi i ‘Kundërshtimit të Vazhdueshëm’ (ODD), lagia e krevatit.

Më shumë sesa simptomat emocionale dhe në sjellje, kafshimi i shpeshtë i thonjve mund t’ju shkaktojë dëme për shëndetin. Ja disa nga arsyet përse duhet ta eliminoni këtë zakon, shkruan Shëndeti.

Çon në sëmundje të shkaktuara nga bakteret

Thonjtë janë vendi ideal për formimin e baktereve si salmonela dhe E. koli. Sa herë të kafshoni thonjtë, këto baktere kalojnë në gojë dhe në pjesë të tjera të trupit, duke shkaktuar infeksion. Thonjtë janë dy herë më të pisët sesa gishtat. Është shumë e vështirë t’i mbash pastër duke i bërë ata fajtorë për transferimin e organizmave infektive.

Mund të shkaktojnë infeksion të thonjve 

Ata të cilët kafshojnë thonjtë janë më të prirur të zhvillojnë një infeksion të lëkurës përreth thonjve. Teksa kafshoni thonjtë, bakteret, infeksionet dhe mikroorganizmat kalojnë nga plagë të vogla duke shkaktuar ënjtje, skuqje dhe qelb rreth thonjve. Sipas Akademisë Amerikane të Dermatologjisë, infeksioni bakterial i shkaktuar nga kafshimi i thonjve është një nga problemet më të përhapura të thonjve.

Mund të formojë lytha për shkak të infeksioneve HPV 

Lythat në gishtat tuaj të shkaktuara nga “Human Papiloma Virus” ose shkurt HPV, janë efekte të zakonshme nga kafshimi i vazhdueshëm i thonjve. Këto lythat mund të përhapen shumë lehtë në buzë dhe gojë teksa kafshoni thonjtë.

Ju sjell probleme dentare

Kafshimi i thonjve pengon në mbylljen e duhur të dhëmbëve duke shkaktuar zhvendosjen e dhëmbit nga pozicioni i duhur dhe sjell kështu deformim dhe dobësim të tyre.

Shkakton thonj që rriten brenda në mish

‘Ngrënia’ e thonjve ju shkakton thonj të rritur në mish. Gjithashtu shkakton enjte, skuqje dhe dhimbje. Ajo mund të shkaktojë dhe infeksione, të cilat mund të kërkojnë ndërhyrje kirurgjikale.

Shkakton ftohje

Sa herë që kafshoni thonjtë, ekspozoheni ndaj mikrobeve të virusit të gripit apo të ftohjes.

Ja disa këshilla se si të ndaloni këtë ves të shëmtuar!

1. Mbani thonjtë të shkurtër. Ju bën të mendoni se nuk keni thonj për të kafshuar.
2. Rregulloni thonjtë. Shpenzimi i parave për thonjtë që të duken sa më bukur ju ndihmon me zakonin që ju keni për t’i kafshuar.
3. Lyeni thonjtë me manikyr të hidhur. Shija e hidhur do t’ju ndalojë të kafshoni thonjtë.
4. Gjeni metoda të tjera kundër stresit. Provoni joga, meditim, frymëmarrje të thellë.
5. Vishni dorashka ose vendosni ngjitës në thonj, në këtë mënyrë ju nuk mund t’ kafshoni./shendeti/